Діни экстремизм тақырыбы соңғы уақытта қазақстандық сарапшылар және қоғам тарапынан белсенді түрде талқылану үстінде. Бұл күрделі мәселенің жаңа қыры әскер қатарларына экстремисттік идеялар мен ағымдардың кіріп кетуінен сақтану болып табылады. Мәселенің өзектілігінің зор себебі: әскер - мемлекеттің қалқаны, қорғаны болып табылады.
Ағымдағы жылдың 19 ақпанында «Астана қаласы әкімдігінің Дін проблемаларын зерттеу Орталығы» КММ тарапынан №6636 әскери бөлімінің жеке құрамымен кездесу ұйымдастырылды.
Дәрісті Орталық маманы Маликаждар Аблайхан және «Әзірет Сұлтан» мешітінің наиб имамы Өткелбаев Бақытжан өткізді.
Дәріс барысында Маликаждар Аблайхан діни радикализм идеяларының қаупі, деструктивті ағымдардың сипаттамасы, Орталықтың ақпараттық-түсіндіру жұмысының үрдісі туралы бөлісті. Өткелбаев Бақытжан ханафи мазхабының дәстүрлі құндылықтарын түсіндіріп, діни сауаттылықтың маңыздылығын жеткізді.
Ақпараттық-түсіндіру жұмысы конфессияаралық келісімді нығайтуға, тұрғындардың діни сауаттылығын арттыруға, діни экстремизм мен терроризмнің алдын алуға бағытталған құралдарының бірден бір үлгісі.
Орталықтың жұмыс жоспарына сәйкес 2016 жылы Астана қаласы аумағында 500 кездесу өткізу жоспарланған.